ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

سراج‌الدین حقاني: بهر مېشتي افغانان دې بېرته هېواد ته راستانه شي

16 Jul 2022 - 18:22
16 Jul 2022 - 18:22

خوست ښار (پژواک، ۲۵ چنګاښ ۱۴۰۱): د افغانستان د کورنيو چارو سرپرست وزير په خوست کې يوې ولسي غونډې ته په خبرو کې له بهر مېشتو افغانانو غوښتنه کړې چې بېرته دې خپل هېواد ته راستانه شي.

په ياده ولسي غونډه کې - چې نن (د چنګاښ ۲۵مه) د خوست ولايت په صبريو يعقوبيو ولسوالۍ کې جوړه شوې وه - د کورنيو چارو وزارت سرپرست او څو نورو لوړپوړو چارواکو سربېره، د دغه ولايت ځايي چارواکو هم ګډون کړی و.

د کورنيو چارو سرپرست وزير سراج‌الدين حقاني غونډې ته په وينا کې وويل، هغه افغانان چې د تېر دولت د سقوط پرمهال له هېواده وتلي، بېرته دې را ستانه شي او په خپل وطن کې دې خوندي ژوند وکړي.

د ده په وينا، ټول هغه کسان چې په تېر نظام کې يې دندې ترسره کړې، که د هېواد دننه او يا بهر دي د عمومي بښنې په فرمان کې شامل دي، سر او مال به يې خوندي وي او هيڅوک نه شي کولی زيان ورته ورسوي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.
Exit mobile version