ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

یونیسف: افغانستان او سوېلي اسیا هېوادونو کې ۱۵ میلیونه ماشومان مرستو ته اړتیا لري

یونیسف: افغانستان او سوېلي اسیا هېوادونو کې ۱۵ میلیونه ماشومان مرستو ته اړتیا لري

author avatar
12 Nov 2022 - 13:44
یونیسف: افغانستان او سوېلي اسیا هېوادونو کې ۱۵ میلیونه ماشومان مرستو ته اړتیا لري
author avatar
12 Nov 2022 - 13:44

کابل (پژواک، ۲۱ لړم ۱۴۰۱): د ملګرو ملتونو له ماشومانو د ملاتړ صندوق (یونیسف) وایي، د اقلیمي بدلونونو له امله په افغانستان او سوېلي اسیا هېوادونو کې ۱۵ میلیونه ماشومان مرستو ته اړتیا لري.

یونیسف دغه موضوع نن (شنبه) د یوه ټوېټ په خپرولو سره څرګنده کړې ده.

د ملګرو ملتونو له ماشومانو د ملاتړ ادارې یادونه کړې چې په ۲۰۲۲ کال کې، په افغانستان او سوېلي اسیا هېوادونو کې له ۱۵ میلیون ډېرې نجونې او هلکان مرستو ته اړتیا لري.

دغه بنسټ زیاته کړې: «اوس ډېره اړینه ده چې ماشومان د اقلیمي بدلونونو په اړه د پوهاوي له لارې د اقلیمي بدلون له نړۍ سره ژوند ته چمتو کړو.»

د یادونې ده، څه موده مخکې د ملګرو ملتونو استازولۍ دفتر (یوناما) هم خبرداری ورکړی و چې د افغانستان خلک د اقلیمي ویجاړونکو اټکلونو له ګواښ سره مخ دي.

یوناما په ډاګه کړې وه چې افغانستان اوسمهال د طبیعي افاتو پر وړاندې په دوامدار ډول زیانمنونکی دی.

دا په داسې حال کې ده چې تېره اوونۍ د افغانستان د بهرنیو چارو وزارت ویلي وو، افغانستان د اقلیم په تغییر کې هيڅ ډول منفي ونډه نه لري.

Views: 41

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.