ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

لغمان کې د چت لوېدو پېښه کې درې کسان مړه شوي

لغمان کې د چت لوېدو پېښه کې درې کسان مړه شوي

author avatar
15 Nov 2022 - 15:36
لغمان کې د چت لوېدو پېښه کې درې کسان مړه شوي
author avatar
15 Nov 2022 - 15:36

مهترلام (پژواک، ٢۴ لړم ١۴٠١): د لغمان په الينګار ولسوالۍ کې د یوې خونې چت لوېدو پېښه کې د يوې کورنۍ درې کسان مړه شوي او يوه نجلۍ ټپي ده.

د لغمان د پېښو پر وړاندې د چمتووالي ادارې رییس قاري خیر محمد غازي د لړم په ٢٤مه، پژواک خبري اژانس ته وويل چې تېره شپه د دغه ولایت د الینګار ولسوالۍ اړوند په منګو کلي کې د یوه کور چت غورځېدلی دى.

هغه وايي چې په ياده پېښه کې د یوې کورنۍ د ښځې او خاوند په ګډون، یو د غېږې ماشوم مړه شوي او یوه نجلۍ ټپي شوې ده.

دغه‌راز د منګو اوسېدونکي شاه‌محمود سمسور پژواک ته وویل چې تېره شپه شاوخوا لس بجې د دغه کلي د یوه استوګن سميع‌الله د یوې خونې چت لوېدلی دى.

ده وويل چې په دې پېښه کې سميع‌الله، مېرمنه يې او کوچنى زوى يې مړه شوي او يوه لور يې ټپي شوې ده.

Views: 12

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.