نیلي (پژواک، ۱۳ سلواغه ۱۴۰۱): د دايکنډي ولايت يو شمېر ځوانان وايي، په هېواد کې د سولې او امنيت له رامنځته کېدو وروسته یې د فوټبال او فوټسال په څېر ورزشي پروګرامونو سره لېوالتيا د پخوا په پرتله ډېره شوې ده.
دوی وايي، په ټول هېواد کې د سولې او امنیت ټینګښت له امله ځوانان له امنیتي اندېښنو پرته فوټبال او فوټسال ته مخه کړې چې د دوی په وینا، د ځوانانو ترمنځ د یووالي او د یو بل منلو ښکارندويي کوي.
د دايکنډي ورزشي تالارونو يو مسوول امان افشين هم وايي، د پخوا په پرتله له ورزشي پروګرامونو، په تېره بيا فوټبال ته د ځوانانو لېوالتيا ډېره شوې ده.
هغه زياته کړه، په تېرو کلونو کې که څه هم يو څو تالارونه وو، خو هیڅکله هم دومره لوبغاړي نه وو چې ټاکل شوي ټایمونه ډک کړي؛ خو اوس نږدې په ټولو ورزشي سالونونو کې ځوان ورزشکاران له سهاره تر نیمې شپې پورې سیالي کوي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن