ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

امیرخان متقي د یوه لوړپوړي پلاوي په مشرۍ نن اسلام‌اباد ته ځي

5 May 2023 - 04:21
5 May 2023 - 04:21

اټلانټا (پژواک، ۱۵ غویی ۱۴۰۲): د پاکستان د بهرنیو چارو وزارت وایي، د افغانستان د بهرنیو چارو سرپرست وزیر مولوي امیرخان متقي د یوه لوړپوړي پلاوي په مشرۍ نن اسلام‌اباد ته په درې ورځني سفر رسېږي.

په اسلام‌اباد کې د پاکستان د بهرنیو چارو وزارت له خوا تېره شپه یوه خپره شوې خبرپاڼه کې راغلي چې په افغان پلاوي کې د سوداګرۍ او صنعت سرپرست وزیر نورالدین عزیزي، د بهرنیو چارو، ټرانسپورټ او سوداګرۍ وزارتونو چارواکي هم شامل دي.

په خبرپاڼه کې راغلي، دواړه هېوادونه به په لیدنو کتنو کې پر سیاسي، اقتصادي، سوداګریزو اړیکو، سولې او ثبات، ښوونې او روزنې برخو کې د همکاریو پر زیاتولو خبرې کوي.

د پاکستان د بهرنیو چارو وزارت ویلي، د دواړو هېوادونو ترمنځ تر دوه‌اړخیزو خبرو اترو وروسته امیرخان متقي به د شنبې په ورځ د پاکستان، چین او افغانستان د بهرنیو چارو وزیرانو په پنځمه ناسته کې هم ګډون کوي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.
Exit mobile version