ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

۶۷ ټانکره بې‌کیفیته تېل له حیرتان بندره بېرته ازبکستان ته ګرځول شوي

۶۷ ټانکره بې‌کیفیته تېل له حیرتان بندره بېرته ازبکستان ته ګرځول شوي

author avatar
6 Aug 2023 - 11:18
۶۷ ټانکره بې‌کیفیته تېل له حیرتان بندره بېرته ازبکستان ته ګرځول شوي
author avatar
6 Aug 2023 - 11:18

مزارشریف (پژواک، ۱۵ زمری، ۱۴۰۲): د افغانستان سټنډرډ ملي اداره وایي، له ازبکستانه وارد شوي ۴۲۸۸ ټنه بې‌کیفیته تېل یې د بلخ له حیرتان بندره بېرته دغه هېواد ته مسترد کړي دي.

د حیرتان بندر د سټنډرډ ملي ادارې امر مولوي یحیی لقمان وایي، نن یې له ازبکستان راغلي ۶۷ واګونه (۴۲۸۸) ټنه ډېزل تېل چې تېره میاشت راوارد شوي وو او د دې ادارې د نورم او سټندرد پر معیارونو برابر نه وو، بېرته د حیرتان له لارې دغه هېواد ته ورګرځولي دي.

لقمان زیاتوي چې یاد تېل د ازبکستان د جي‌ټي‌ال له کمپنۍ څخه د غضنفر ګروپ اړوند سلیم خان شرکت راوارد کړي و او دغه شرکت شل ورځې بېلابېلو دولتي ادارو ته مراجعه وکړه خو حل‌لاره یې ونه مونده او تېل یې بېرته وګرځول شول.

د مولوي یحیی په خبره، دا په تېرو شلو کلونو کې لومړی ځل دی چې په دغه کچه تېل په يو ځل بېرته ګرځول کېږي.

دا په داسې حال کې ده چې تر دې مخکې هم له ازبکستانه وارد شوي سلګونه ټنه بې‌کیفیته ګاز او تېل بېرته دغه هېواد ته ورګرځول شوي دي.

د نورم او سټنډرډ ادارې د معلوماتو له مخې، تېر کال کې شاوخوا دوه زره ټانګره بې‌کيفته نفتي توکي بېرته اړوند هېوادونو ته ورګرځول شوي دي.

Views: 130

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.