ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

متقي د چین له سفیر سره پر ګډو امنیتي او اقتصادي موضوعاتو غږېدلی

متقي د چین له سفیر سره پر ګډو امنیتي او اقتصادي موضوعاتو غږېدلی

author avatar
5 Nov 2023 - 13:34
متقي د چین له سفیر سره پر ګډو امنیتي او اقتصادي موضوعاتو غږېدلی
author avatar
5 Nov 2023 - 13:34

کابل (پژواک، ۱۴ لړم ۱۴۰۲): د بهرنیو چارو وزارت وایي، د دغه وزارت سرپرست د چین له سفیر سره په لیدنه کې د ګډو امنیتي او اقتصادي موضوعاتو او د سیمې وروستیو پرمختګونو په اړه خبرې کړې دي.

د بهرنیو چارو وزارت ویاند عبدالقهار بلخي پر خپله اېکس‌پاڼه د پیغام پر خپرولو د دغه وزارت د سرپرست مولوي امیرخان متقي او د چین د سفیر جاوشینګ د لیدنې په اړه خبر ورکړی دی.

سرچینې زیاته کړې، په یاده لیدنه کې د افغانستان او چین دوه اړخیزو ډیپلوماټیکو اړیکو څرنګوالي، نورو دوه اړخیزو اقتصادي او امنیتي مسایلو او وروستیو بدلونونو په اړه خبرې شوې دي.

متقي په یاده لیدنه کې چین ته د خپل وروستي سفر په اړه خوښي څرګنده کړې او زیاته کړې یې ده چې د افغانستان او چین اړیکې د پرمختګ په حال کې دي.

د چین سفیر هم له افغانستان سره خپلې اړیکې غوره بللې او د ډیپلوماتیکو اړیکو د پراختیا لپاره یې د بیجینګ لېوالتیا څرګنده کړه.

دا په داسې حال کې ده چې امیرخان متقي څه موده مخکې چین ته سفر او د «هیمالیا ترانس» په ناسته کې یې ګډون کړی و.

Views: 42

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.