ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د ترکیې د پوهنې بنسټ: د افغانستان د پوهنې له سکټوره د ملاتړ لپاره هر ډول همکارۍ ته چمتو یو

د ترکیې د پوهنې بنسټ: د افغانستان د پوهنې له سکټوره د ملاتړ لپاره هر ډول همکارۍ ته چمتو یو

author avatar
25 Dec 2023 - 14:12
د ترکیې د پوهنې بنسټ: د افغانستان د پوهنې له سکټوره د ملاتړ لپاره هر ډول همکارۍ ته چمتو یو
author avatar
25 Dec 2023 - 14:12

هرات (پژواک، ۴ مرغومی ١٤٠٢): په افغانستان کې د ترکيې د پوهنې بنسټ رییس د هرات له والي سره لیدنه کې ويلي چې هېواد يې په افغانستان کې د افغان – ترک ښوونځيو له لارې عصري زده‌کړو ته د پراختيا ‎په هڅه کې دی.

په افغانستان کې د ترکيې د پوهنې بنسټ عمومي رييس احمد توکور نن د هرات له والي او په دغه ولايت کې د هېواد بهرنيو اړيکو له استازي سره کتلي دي.

هغه په دې لیدنه کې ویلي چې ترکیه د افغانستان د پوهنې له برخې ملاتړ کوي او د پوهنې برخه کې هر ډول همکارۍ او نوښت ته چمتو دی.

هغه زیاته کړې: «موږ د افغان – ترک ښوونځیو له لارې په ښوونیزه برخه کې د افغان ځوانانو او زلمیو ودې ته ژمن یو او غواړو په دې برخه کې لا زیات رول ولوبوو.»

په افغانستان کې د ترکيې د پوهنې بنسټ عمومي رییس ‎په خبره، ترکيه په افغانستان کې د افغان – ترک ښوونځيو له لارې عصري زده‌کړو ته د پراختيا ورکولو په هڅه کې ده چې د زده‌کوونکو د ظرفيتونو لوړولو او ودې په ګډون به په بېلابېلو برخو کې ډېرې ‎اسانتياوې رامنځته شي.

بلخوا، په دې لیدنه کې د هرات والي مولانا نوراحمد اسلام‌جار په هېواد کې د ترکيې د ښوونې او روزنې له بنسټه د اغېزناکو علمي فعاليتونو له امله د مننې ترڅنګ ویلي چې د افغانستان او ترکيې فرهنګونه سره تړلي او د دواړو هېوادونو خلک ډېر مشترکات لري.

هغه څرګنده کړې چې د ترکيې پوهنې بنسټ فعالیت بايد تر خپلو ښوونځيو پورې محدود نه وي او د هرات ولايت په کچه دې هم د دولتي ښوونځيو د زده‌کوونکو د ښوونې او روزنې برخه کې همکاري وکړي چې د دغه ولايت سيمه‌ييزه اداره به په دې برخه کې د ملاتړ لپاره تر خپل وسه هلې ځلې وکړي.

د یادولو ده، دا مهال د هېواد په ۸ ولایتونو کې د افغان – ترک ښوونځي فعالیت لري چې ټولټال څه باندې شپږ زره زده‌کوونکي په کې په زده‌کړو بوخت دي.

Views: 36

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.