ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

پکتیا کې د یوې زړې سرګلولې چاودنه کې درې ماشومې خویندې وژل شوې

پکتیا کې د یوې زړې سرګلولې چاودنه کې درې ماشومې خویندې وژل شوې

author avatar
1 Jan 2024 - 14:39
پکتیا کې د یوې زړې سرګلولې چاودنه کې درې ماشومې خویندې وژل شوې
ارشیف
author avatar
1 Jan 2024 - 14:39

ګردېز (پژواک، ۱۱ مرغومی ۱۴۰۲): د پکتيا په زرمت ولسوالۍ کې له پخوا د یوې پاتې سرګلولې چاودنه کې درې خويندې وژل شوې دي.

د زرمت ولسوالۍ د دیوانه‌خېلو سیمې اوسېدونکي او د یادو نجونو پلار محمدجان پژواک خبري اژانس ته وویل، د تېرې جمعې په ورځ یې لوڼو په دښته کې د کور لپاره لرګي ټولول چې یوې پخوانۍ سرګلولې پرې چاودنه کړې ده.

هغه وايي چې په دې چاودنه کې يې یوه اته کلنه، یوه لس کلنه او یوه دوولس کلنه لوڼې وژل شوې دي.

د پکتيا ولايت مقام د دفتر رييس مولوي شمس‌الحق حقبین چې د غمرازۍ لپاره یادې کورنۍ ته ورغلی و وايي، په دې چاودنه کې چې د يوې پخوانۍ سرګلولې له کبله شوې، درې ماشومې خويندې وژل شوې دي.

نوموړي وويل چې دوی هڅه کوي د موسسو په مرسته ټولې سیمې له ناچاوده توکو پاکې کړي.

دا په داسې حال کې ده چې تېره ورځ په اروزګان ولایت کې هم د یوې سرګلولې چاودنې له مله درېيو کسانو ته مرګ‌ژوبله اوښتې وه.

Views: 242

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.