زرنج (پژواک، ۲۵ سلواغه ۱۴۰۲): نیمروز کې امنیتي مسوولین وايي، د یوه کس جسد چې د دغه ولایت د زرنج – دلارام پر لویه لار د ناپېژانده وسلهوالو له لوري وژل شوی، موندل شوی دی.
د نیمروز امنیې قوماندانۍ ویاند سمونیار ګلمحمد پژواک خبري اژانس ته وویل، ناپېژاندو وسلهوالو دغه په ولایت کې یو کس وژلی او د هغه مړی یې په شګو کې اچولی و.
هغه زیاته کړه، یاده پېښه پرون د نیمروز د زرنج – دلارام لویې لارې په «داکو» سیمه کې شوې ده او د نوموړي کس جسد د هماغې ورځ په ماښام پیدا شوی دی.
هغه وویل، وژل شوی کس عبدالرحمن نومېږي او ۴۶ کلن و، تر اوسه یې د وژل کېدو لامل څرګند نه دی خو په دې اړه څېړنې روانې دي.
Views: 17