میدانښار (پژواک، ۱۹ وری ۱۴۰۳): د میدانوردګو امنیه قومانداني وايي چې ناپېژانده وسلهوالو په دغه ولایت کې یو ملا امام په ډزو وژلی دی.
د میدانوردګو امنیې قوماندانۍ ویاند محمدیوسف اسرار پژواک خبري اژانس ته وویل چې تېره شپه ناپېژانده وسلهوالو د نرخ ولسوالۍ په چینزایو سیمه کې د عبدالوکیل په نوم یو ملا امام په ډزو وژلی دی.
هغه وايي، مولوي عبدالوکیل د شپې له جوماته کور ته روان و چې ډزې پرې شوې او وژل شوی دی.
ده وویل، د دې پېښې په تړاو څوک نه دي نیول شوي خو په اړه یې پلټنې روانې دي.
Views: 279