ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

بادغیس کې د ترافیکي پېښې له امله یو ماشوم مړ شوی او ۲۴ کسان ټپیان شوي

بادغیس کې د ترافیکي پېښې له امله یو ماشوم مړ شوی او ۲۴ کسان ټپیان شوي

author avatar
16 Apr 2024 - 16:20
بادغیس کې د ترافیکي پېښې له امله یو ماشوم مړ شوی او ۲۴ کسان ټپیان شوي
author avatar
16 Apr 2024 - 16:20

قلعه‌نو (پژواک، ۲۸ وری ۱۴۰۳): بادغیس ولایت کې ځایي سرچینې وايي چې دغه ولایت کې د ترافیکي پېښې له امله یو ماشوم مړ شوی او ۲۴ کسان ټپیان شوي دي.

د دغه ولایت د امنیې قوماندانۍ د خبرپاڼې په خپرولو سره ویلي، دغه پېښه نن سهار (د وري ۲۸مه) د قلعه‌نو ښار د شپږمې حوزې اړوند په لامان کلي کې د یوه کاسټر موټر چپه کېدو له امله رامنځته شوې ده.

سرچینه وايي، یاد موټر له هرات څخه بادغیس ولایت ته په حرکت کې و چې د تخنیکي ستونزو له امله له سړکه وتلی او چپه شوی دی.

سرچینې لیکلي، په دغه موټر کې د ښځو او ماشومانو په ګډون ۲۷ سپرلي وو.

د سرچینې د معلوماتو له مخې، په دې پېښه کې یو ماشوم مړ شوی او ۲۴ کسان ټپیان شوي چې یو شمېر ټپیان د قلعه‌نو ښار ولایتي روغتون ته او یو شمېر نور یې د هرات ولایتي روغتون ته لېږدول شوي دي.

په خبرپاڼه کې راغلي چې د دې پېښې یو شمېر ټپیان په سطحي ډول ټپي شوي، خو د ځینو نورو روغتیايي وضعیت د اندېښنې وړ ښودل شوی دی.

Views: 9

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.