ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

غزني کې ترافیکي پېښې؛ یو کس مړ او پنځه نور ټپیان شوي

غزني کې ترافیکي پېښې؛ یو کس مړ او پنځه نور ټپیان شوي

غزني‌ښار (پژواک، ۱۷ غبرګولی ۱۴۰۳): د غزني امنیه قومانداني وايي چې په دغه ولایت کې په دوو جلا ترافیکي پېښو کې یو کس مړ او پنځه نور ټپیان شوي دي.

د غزني امنیې قوماندانۍ ویاند ابوخالد سرحدي پژواک خبري اژانس ته وویل چې تېره شپه د دغه ولایت د جاغوري ولسوالۍ په انګوري بازار کې د یوه زرنج او بل موټرسایکل ترمنځ ټکر شوی دی.

هغه زیاته کړه چې په دې پېښه کې د زرنج چلوونکی مړ شوی او موټرسایکل‌سپور ټپي دی.

نوموړي دغه راز وویل چې پرون ماښام د اجرستان ولسوالۍ په محمدخېلو سیمه کې یو تراکتور له سړکه اوښتی او چپه شوی چې په کې سپاره څلور کسان ټپیان شوي دي.

د سرحدي په خبره، د یادو پېښو ټپیان د امنیتي ځواکونو له لوري سیمه‌ییزو روغتونونو ته لېږدول شوي دي.

سرحدي د یادو پېښو لامل د چلوونکو بې‌احتیاطي په ګوته کړه.

Views: 13

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.