هند کې د یوې ودانۍ نړېدو له امله اووه کسان مړه او ۱۵ نور ټپیان شوي

کابل (پژواک، ۱۷ چنګاښ ۱۴۰۳): د هند د ګجرات ایالت په سورات ښار کې د یوې شپږ پوړيزې ودانې نړېدو له امله اووه کسان مړه شوي او ۱۵ نور ټپیان شوي دي.

هندوستان ټایمز راپور ورکړی چې یاده پېښه پرون (شنبه) له غرمې وروسته د هند په لوېدیځ کې شوې ده.

ورته مهال، د یاد ایالت د پولیسو یوه چارواکي راجش پارمار ویلي چې یاده پېښه د پر له‌پسې ‎ورښتونو له امله شوې ده.

نوموړي څرګنده کړه چې د ژغورنې عملیات اوس هم دوام لري او اټکل کېږي ډېر کسان د خاورو لاندې بند پاتې وي.

هغه څرګنده کړه چې د ټولو قربانیانو هویت معلوم شوی او ډېری یې د نساجي صنعت کارګر وو.

د یادولو ده چې تېره اونۍ سه‌شنبه هم د هند په اوتار پرداش ایالت کې په مذهبي مراسمو کې د خلکو ګڼې ګوڼې له امله ۱۰۵ کسان مړه شوي او ۸۴ نور ټپیان شوي وو.