کابل (پژواک، ۴ لېندۍ ۱۴۰۳): د ایران د بهرنیو چارو وزارت د حسن کاظمی قُمی پر ځای، عليرضا بیګدلي په افغانستان کې د دغه هېواد د نوي سفیر په توګه ټاکلی دی.
د ایران دولتي خبري اژانس «ایرنا» لیکلي چې د ایران د بهرنیو چارو د وزیر سیدعباس عراقچي د حکم پر اساس، عليرضا بیګدلي په کابل کې د ایران د استازولۍ د نوري رییس په توګه ټاکل شوی دی.
سرچینې لیکلي چې په افغانستان کې د ایران استازولي حذف شوې او د تېر په څېر د افغانستان لپاره ځانګړی استازی به د بهرنیو چارو وزارت تر مستقیم نظر لاندې کار کوي.
له دې مخکې حسن کاظمی قُمی په افغانستان کې د ایران استازولي کوله چې د ۱۴۰۲ کال په لېندۍ میاشت کې ګومارل شوی و.
GET IN TOUCH
NEWSLETTER
SUGGEST A STORY
PAJHWOK MOBILE APP