ترینکوټ (پژواک، ۱۷ لېندۍ ۱۴۰۳): ترینکوټ ښار کې د اتو ټیمونو ترمنځ د قوټبال غورهلیګ سیالۍ چې یوه میاشت مخکې پیل شوې وې، تېره ورځ د «ځوانانو» لوبډلې په بریا پای ته ورسېدې.
د اروزګان ولایت د فوټبال فدراسیون مشر میرزا محمد امیرزي د یادو سیالو د پای په مراسمو کې وویل، دا سیالۍ ۲۰۲۵ کال ته د منتخبي ولایتي لوبډلې د غوره کېدو په موخه پیل شوې وې.
هغه زیاته کړه، دا سیالۍ چې یوه میاشت وړاندې پیل شوې، اتلولي یې ځوانانو لوبډلې وګټله.
نوموړي وویل: «ځوانانو لوبډله به ۲۰۲۵ کال کې د اروزګان په استازیتوب د هېواد په کچه لوبې ترسره کوي.»
ورته مهال، هغه لوبغاړي چې په دغو سیالیو کې یې برخه اخیستې وه خوښ دي او له مسوولینو د دغه ډول نورو ډېرو سیالیو د جوړېدو غوښتنه کوي.
د یادونې ده چې دغه سیالۍ د ترینکوټ ښار په مرکزي لوبغالي کې ترسره شوې.
GET IN TOUCH
NEWSLETTER
SUGGEST A STORY
PAJHWOK MOBILE APP