اسعداباد (پژواک، ۱۲ غويی ۱۴۰۴): د کونړ امنیه قومانداني وایي، د دغه ولایت په پوهنتون کې د محصلینو ترمنځ د خپلمنځي شخړې له امله یو تن وژل شوی او په تړاو یې درې تنه نیول شوي دي.
د کونړ امنیه قوماندانۍ په خبرپاڼه کې راغلي، چې دغه پېښه نن له غرمې وروسته د سید جمالالدین افغان پوهنتون په انګړ کې د محصلینو ترمنځ د شخړې له امله شوې ده.
په خبرپاڼه کې ویل شوي، چې په یاده شخړه کې د کمپیوټر ساینس پوهنځي یو محصل په چاقو وهل شوی، چې وروسته یې ساه ورکړې ده.
په اعلامیه کې زیات شوي، چې امنیتي ځواکونه پر وخت د پېښې ځای ته رسېدلي او په تړاو یې درې تنه نیولي دي.
GET IN TOUCH
NEWSLETTER
SUGGEST A STORY
PAJHWOK MOBILE APP