کندهار کې یوه ۵۵ کلن سړي ځان‌وژنه کړې

کندهار (پژواک، ۱۷ غویی ۱۴۰۴): د کندهار د زېړۍ ولسوالۍ په سنځري سیمه کې د عبدالرحمن په نوم یوه ۵۵ کلن سړي ځان‌وژنه کړې ده.

د سنځري سیمې یوه اوسېدونکي نیازمحمد پژواک خبري اژانس ته وویل، د عبدالرحمن جسد تېره ورځ د هغه د کور په یوه خونه کې په داسې حال کې وموندل شو چې له چته راځوړند و.

دغه راز، د زېړۍ ولسوالۍ امنیې قوماندانۍ هم په یوه خبرپاڼه کې دغه پېښه تایید کړې او ويلي یې دي چې دغه کس عصبي ستونزه درلوده او له دې مخکې یې هم دوه ځلې د ځان‌وژنې هڅه کړې وه.

سرچینه کاږي چې د پېښې په اړه یې څېړنې پیل کړې دي.

د یادونې ده، تېر کال هم په دې ولسوالي یوه ۵۶ کلن سړي ځان‌وژنه کړې وه.