Language

Don't you have an account with Pajhwok Afghan News?

Click here to subscribe.

د صنعت او سوداګرۍ وزارت سرپرست د یوه پلاوي په مشرۍ اوزبیکستان ته ولاړ

کابل (پژواک، ۱۹ غبرګولی ۱۴۰۴): د صنعت او سوداګرۍ وزارت وايي چې د دغه وزارت سرپرست نورالدین عزیزي د یوه پلاوي په مشرۍ تاشکند کې د پانګونې په څلورم نړۍوال کنفرانس کې د ګډون په موخه اوزبیکستان ته ولاړ.

د افغانستان د صنعت او سوداګرۍ وزارت په خبرپاڼه کې راغلي، د نورالدین عزیزي په مشرۍ دغه پلاوی چې د امارتي شرکتونو عمومي رییس مولوي احمدجان بلال یې هم ملتیا کوي، د اوزبیکستان جمهوریت په رسمي بلنه هغه هېواد ته تللی دی.

سرچینې د دغه سفر موخه د تاشکند د پانګونې په څلورم نړۍوال کنفرانس کې ګډون او د افغانستان او اوزبیکستان ترمنځ د تېرو ناستو د ژمنو او پرېکړو تعقیب یاد کړی دی.

خبرپاڼه کې راغلي، د تاشکند کنفرانس د پانګونې په برخه کې یو له سترو سیمه‌ییزو غونډو دی چې هر کال په بېلابېلو هېوادونو کې ترسره کیږي او د نړۍ د څه باندې ۱۰۰ هېوادونو لوړپوړي استازي پکې ګډون کوي.

د صنعت او سوداګرۍ وزارت زیاته کړې چې د دغه کنفرانس په څنډه کې به د اوزبیکستان د کورنیو تولیداتو یو نندارتون هم جوړ شي او د اسلامي امارت پلاوی به د اقتصادي او سوداګریزو همکاریو د پراختیا په تړاو له اوزبیک چارواکو او د نورو هېوادونو له استازو سره هم لیده کاته ولري.

GET IN TOUCH

SUGGEST A STORY

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

PAJHWOK MOBILE APP

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.