یونیسف: افغانستان کې د خوراکي کړکېچ مخنیوي لپاره نوی پروګرام پیلوو

کابل (پژواک، ۲۷ غبرګولی ۱۴۰۴):  د ملګرو ملتونو د ماشومانو د ملاتړ صندوق (یونیسف) وایي چې په افغانستان کې د روان خوراکي کړکېچ مخنیوي لپاره یې «لومړني خواړه د افغانستان لپاره» په نوم یو پراخ پرواګرام پیلوي.

د ملګرو ملتونو د ماشومانو د ملاتړ صندوق (یونیسف) پرون په یوه راپور کې ویلي چې په افغانستان کې نیمایي ماشومان له خوارځواکۍ سره مخ دي او یونیسف د دغه خوراکي کړکېچ مخنیوي لپاره «لومړني خواړه د افغانستان لپاره» په نوم ستر څو اړخیزه پروګرام پیلوي.

راپور کې راغلي، نوې موندنې ښیي چې په افغانستان کې ۹۰ سلنه ماشومان له کمزورو خوړو سره مخ دي او یونیسف دغه نوی پروګرام د انګلیستان په ملاتړ پیلوي.

د یونیسف د معلوماتو له مخې، په افغانستان کې ۳،۵ میلیونه ماشومان د خوړو له کمښت سره مخ دي.