باغونه

لوګر کې د افغاني سرې میاشتې ټولنې مسوولین وایي چې د جاپان هېواد په مالي ملاتړ د دغه ولایت په څرخ ولسوالۍ کې په شپږ سوه جریبه کرنیزه ځمکه میوه‌لرونکي باغونه جوړېږي.

د ننګرهار د کرنې او مالدارۍ رياست وايي، د ملګرو ملتونو د کرنې او خوړو ادارې په مالي لګښت د دغه ولايت په خوږياڼو او کوز کونړ ولسواليو کې د ناک او الوچو د نوو باغونو جوړولو چارې پيل شوې.

د ننګرهار ولايت د کانال رياست له لوري د خصوصي سکټور په پانګونه په ۲۷ او ۴۵ جریبه ځمکه باندې د مالټو دوه باغونه جوړېږي.

د ننګرهار د کانال شرکت مسوولین وایي چې د مالټو حاصلاتو ډېرېدو او په دې برخه کې ځان بسیاینې ته د رسېدو په موخه د خصوصي سکټور په همکارۍ پر ۲۰ زره جریب ځمکه د مالټو نوي باغونه جوړ شوي دي.

د هلمند د کرنې ریاست مسوولین وایي، د یوې همکارې موسسې په مالي مرسته د دغه ولایت په څلورو شمالي ولسوالیو کې پر ۲۴۰ جریبه ځمکه د مېوه‌لرونکو ونو باغونه جوړوي.

د خوست د کرنې، اوبولګولو او مالدارۍ رياست مسوولين وايي چې سږ کال په دغه ولایت کې د املوکو حاصلات ۸۱۹ ټنه اټکل شوي او په دې موده کې پر ۳۹۰ جریب ځمکه د املوکو نور باغونه هم جوړ شوي دي.

د ننګرهار ولايت د کانال شرکت له لوري د دغې ادارې اړوند پر ۵۰۰ جریبه ځمکه د زیتونو د نويو باغونو جوړولو چارې پيل شوې.

د ننګرهار د کرنې رياست وايي چې له باغدارۍ سره د خلکو لېوالتیا ډېره شوې او یوازې سږ کال په دغه ولایت کې پر نږدې ۸۰۰ جريب ځمکه بېلابېل باغونه جوړ شوي دي.

سمنګان کې یو شمېر بڼوال وایي چې د وروستیو ورښتونو له امله ځینې نباتي ناروغۍ لکه شاټحول او شکرک خپرې شوې او د دوی باغونه یې زیانمن کړي دي.

د ننګرهار د کرنې، اوبولګولو او مالدارۍ رياست مسوولين وايي چې د سولې بنسټ په مالي ملاتړ د دغه ولايت لسو ولسواليو کې پر ۳۰۰ جريب ځمکه د ستروس او نورو مېوو باغونه جوړېږي.

د فراه د کرنې او مالدارۍ ریاست مسوولین وايي، په تېر یوه کال کې د دغه ولایت په مرکز او پنځو ولسوالیو کې پر ۱۴۵۰ جریب ځمکه باغونه جوړ شوي دي.

د هلمند د کرنې ریاست مسوولین په دغه ولایت کې د تېرو جګړو او وچکالۍ له امله د ۶۵ سلنه باغونو د وچېدو خبر ورکوي.