سیاسي

د کډوالو او راستنېدونکو چارو وزارت له ایران او پاکستانه غوښتي چې د افغان کډوالو پر وړاندې له صبر او زغمه کار واخلي، له کډوالو سره په چلن کې ښه ګاونډيتوب، اسلامي او انساني ارزښتونه او نړۍوال قوانین رعایت کړي.

د عمان د بهرنیو چارو وزیر له امیرخان متقي سره په لیدنه کې ویلي چې هېواد یې غواړي له افغانستان سره سیاسي، اقتصادي او سوداګریزې دوه اړخیزې اړیکې لا پیاوړې کړي.

پر افغان کډوالو د محدویتونو زیاتېدو په تړاو د پاکستاني چارواکو د وروستیو څرګندونو په دوام، په پاکستان کې د افغانستان سفارت اعلان کړی دغه ډول څرګندونې د دواړو هېوادونو ترمنځ د بې‌باورۍ فضا پیاوړې کوي.

د بهرنیو چارو وزارت وايي، افغانستان ته د روسیې وروستي پلاوي سفر به د هغه هېواد د ممنوعه ډلو له لېسته د «طالبانو تحریک» نوم لرې کولو او د اسلامي امارت او روسیې ترمنځ د سیاسي اړیکو لا پراختيا ته زمينه برابره کړي.

د افغانستان لپاره د بریتانیا سفارت شارژدافېر وایي چې اوسني رامنځته شوي شرایط د بشري مرستو ترڅنګ د اقتصادي او سیاسي مسایلو پراختیا لپاره یو ښه فرصت دی.

د لوړو زده‌کړو وزارت سرپرست اروزګان ته په سفر کې ویلي، په هېواد کې د هر ډول زده‌‎کړو لپاره زمینه برابره شوې او خلکو ته په کار ده چې له دغه فرصته ګټه واخلي.

د اروپایي ټولنې شارژدافیرې، د افغانستان د ریاست‌الوزرا له سیاسي مرستیال سره په لیدنه کې ویلي چې دغه ټولنه د افغانستان له خلکو سره بشري مرستو ته دوام ورکوي او دغه بهير بايد سياسي نه شي.