ملاتړ

د امریکا د بهرنیو چارو وزارت د ملګرو ملتونو د امنیت شورا د هغه پرېکړه لیک ملاتړ کړی چې پکې افغانستان لپاره د ملګرو ملتونو د یوه نوي ځانګړي استازي‌ ګومارل کېدل تصویب شوي.

په افغانستان کې د ترکيې د پوهنې بنسټ رییس د هرات له والي سره لیدنه کې ويلي چې هېواد يې په افغانستان کې د افغان – ترک ښوونځيو له لارې عصري زده‌کړو ته د پراختيا ‎په هڅه کې دی.

د روغتیا نړۍوال سازمان مشر وايي چې په افغانستان کې ۱۳ میلیون کسان له سختې لوږې سره مخ دي او په دغه هېواد کې د ماشومانو او میندو مړینې مخنیوي برخه کې د درملو چمتو کولو او له روغتونونو د ملاتړ لپاره ۱۸۵ میلیون ډالرو ته اړتیا ده.

د اسلامي امارت ویاند په افغانستان کې د ټول‌شموله حکومت جوړېدو په اړه د ایران او تاجکستان د ولسمشرانو وروستیو څرګندونو غبرګون کې ویلي، اوسنی نظام ټول‌شموله دی او هیڅ هېواد حق نه لري چې د افغانستان په کورنیو چارو کې لاسوهنه وکړي.

د خوست په شيخ ‌زايد پوهنتون کې د فلسطين په ملاتړ او د اسرایيلو پر ضد د نيزه‌وهنې لوبه ترسره شوه.

کابل او ننګرهار کې سلګونو کسانو د فلسطین د خلکو په ملاتړ لاريونونه وکړل او پر غزه يې د اسرائیلو بریدونه وغندل.

په خوست کې د فلسطين په ملاتړ او د اسرائيلو د حکومت پر ضد لاريون وشو.

بلخ ولایت کې سینماګران وایي چې اقتصادي ستونزې یې د فعالیت پر وړاندې خنډ ګرځېدلي او له حکومته په دې برخه کې د ملاتړ غوښتنه کوي.

سپینه ماڼۍ په افغانستان کې د جګړې پای ته رسېدو دوېمې کالیزې ته په اشارې وايي، نوره اړتیا نه وه چې د «ترهګرو» پر وړاندې د مبارزې لپاره په افغانستان کې پوځیان حضور ولري.

د اطلاعاتو او کلتور وزارت نشراتي چارو مرستیال مهاجر فراهي وايي، اسلامي امارت د هغو رسنیو بشپړ ملاتړ کوي چې پر حقايقو ولاړې خپرونې کوي.

د کډوالۍ نړۍوال سازمان سږ کال جولای میاشت کې له ګاونډيو هېوادونو ۲۵ زره بېرته راستنېدونکو ته د خدماتو وړاندې کولو خبر ورکړی او وایي، د روان کال په ترڅ کې ۴۰ زره بېرته راستنېدونکو او داخلي بې‌ځایه شوو سره د مرستو لپاره ۷ میلیونو ډالرو ته اړتیا ده.

تخار ولایت کې یو ځوان د ۵۰۰ زرو افغانیو پانګونې له لارې یو شمېر ځوانانو ته د کار زمینه برابره کړې، خو د دغه ولایت اوسېدونکي وایي، په داسې شرایطو کې چې کاري زمینې کمې دي حکومت باید د وړو متشبثینو ملاتړ وکړي.