همکارۍ

د بهرنیو چارو وزارت وایي، د جاپان د ساساکاوا بنسټ مشر او د یوناما پخواني رئیس د دغه وزارت له سرپرست سره په لېدنه کې له افغانستان سره د نړۍوالې ټولنې پر هر اړخیزه همکارۍ ټینګار کړی او د ا.ا پلاوي ته یې جاپان ته د سفر بلنه هم ورکړې ده.

امریکايي رسنیو راپور ورکړی چې د امریکا په متحده ایالتونو کې اته تاجکستاني وګړي له داعش سره د همکارۍ په تور نیول شوي دي.

د افغانستان بانک سرپرست وايي چې مناسبو مالي خدمتونو ته لاسرسی کولای شي د ټیټ عاید لرونکو خلکو په اقتصادي پیاوړتیا او د فقر په کمېدو کې مهم رول ولوبوي.

د روسیې فدراتیف ماردوفیا ولسمشر د افغانستان د صنعت او سوداګرۍ وزارت له سرپرست سره په لیدنه کې ویلي، هېواد یې چمتو دی چې د لرګیو، درملو جوړولو، کرنې، ودانیزو او الکترونیکي توکو صنعتونو برخو کې له دغه هېواد سره همکاري وکړي.

افغان چارواکو د روغتیا له نړۍوال سازمانه د سرطان ناروغۍ درملنې لپاره د مجهز مرکز جوړولو، د روغتیايي خدمتونو رسولو، د ساري ناروغیو په کنټرول او د روغتیايي سیسټم پیاوړتیا کې د همکارۍ غوښتنه وکړه.

د افغانستان د چاپېریال ساتنې ملي ادارې له یوې موسسې سره د څه باندې ۱۵۰ زره امریکایي ډالرو په ارزښت د همکارۍ هوکړه‌لیک لاسلیک کړ.

د صنعت او سوداګرۍ سرپرست وزیر کابل کې مېشت د قزاقستان له سفیر سره په لیدنه کې افغانستان کې د ډیجیټلي حکومتوالۍ، د هېواد د کانونو برخه کې د پانګونې او نورو برخو کې د دغه هېواد د مرستو په اړه خبرې وکړې.

کابل کې د چین سفیر د لوړو زده‌کړو وزارت له سرپرست سره په لیدنه کې ویلي چې هېواد یې د افغانستان ځمکنۍ بشپړتيا ته درناوى کوي او د تحصیلي بنسټونو د استادانو ظرفیت لوړونې برخه کې همکارۍ چمتو دی.

ایران د افغانستان سرپرست حکومت ته ډاډ ورکړ چې دغه هېواد به د خواف – هرات درېیمې برخې اوسپنې پټلۍ له لارې د لېږد رالېږد چټکتیا او د انتقالاتو کچې لوړولو په برخه کې لازمه همکاري کوي.

په کابل کې د ملګرو ملتونو د نشه‌یي توکو او جرمونو پر وړاندې د مبارزې «UNODC» ادارې رییسه وایي، له کروندګرو سره د بدیل معیشت او له روږدو سره د درملنې په برخو کې همکاري کوي.

د پاکستان د بهرنیو چارو وزارت ویاندې ویلي چې هېواد یې له افغانستان سره د دواړو هېوادونو ګډو اندېښنو ته د رسېدنې برخه کې همکارۍ ته چمتو دی او د دغو اندېښنو د هواري او همکارۍ په موخه د افغانستان له سرپرست حکومت سره خپل تعامل ته دوام ورکوي.

پاکستان د افغانستان سرپرست حکومت له عامې روغتیا وزارت سره په روغتیایي برخه کې د همکاریو هوکړه‌لیک لاسلیک کړی دی.