پیازو

د نیمروز ولایت یو شمېر اوسېدونکي وايي، د مرکز زرنج او ولسوالیو په بازارونو کې د پیازو بیه په بې‌سارې توګه لوړه شوې چې دوی یې د پېرلو توان نه لري. 

کابل ښاریان او هټۍوال د پیازو بیې له لوړېدو شکایت کوي او وايي چې پاکستان ته د دغه محصول د لېږد مخه باید ونیول شي.

د تخار په مرکز تالقان ښار کې یو شمېر اوسېدونکي په دغه ولایت کې د پیازو بیو بې‌ساري لوړېدو په اړه اندېښنه ښيي او وایي، د معیاري سړو خونو نشتوالي او د بازار نه کنټرول له امله د یوه من پیازو بیه له ۱۰۰ افغانیو څخه ۴۵۰ افغانیو ته لوړه شوې ده.

یو شمېر یوناني ډاکتران ادعا کوي چې د پیاز او د هغه د پوست په مرسته په رحم کې رامنځته شوو دانو او فېبروم په ګډون د بېلابېلو ناروغیو درملنه کېږي او د سرطاني تومورونو د ودې مخه نیسي؛ په داسې حال کې چې ډاکتران پیاز د مغذي موادو بډایه سرچینه بولي خو وايي، د پیاز په وسیله د ناعلاجه ناروغیو درملنه تر اوسه نه ده ثابته شوې.

نن په کابل ښار کې د روميانو، پيازو او کچالو بيې د تېرې يوې مياشتې په پرتله دوه برابره لوړې شوې دي.