کورنیو

د کاپیسا د نجراب ولسوالۍ د ګیاوې سیمې دوو کورنیو (نواب خان او صدام) ترمنځ ۴۰ کلنه دښمني – چې شلو کسانو ته د مرګ‌ژوبلې اوښتو لامل شوې، پای ته ورسېده.

نن په فراه کې له نږدې ۲۳۰۰ کورنیو سره د خوراکي توکو، په سمنګان کې له ۳۴ ښځینه بندیانو سره د ژمنیو کالیو او نورو توکو او په بغلان کې له ۶۲۵۰۰ اړو کورنیو سره د مرستې لړۍ په پیلېدو سره له څه باندې ۱۲ زره کورنیو سره مرستې وشوې.

د جوزجان په مرکز شبرغان ښار کې یوه کس د خپل زوی قاتل ته – چې د محکمې له خوا د اعدام حکم پرې صادر شوی و- بښنه وکړه او ويې ویل: «د زوی له لاسه ورکولو درد ما تجربه کړې، ومې نه غوښتل چې دغه درد زموږ مقابله کورنۍ هم تجربه کړي.»

د پروان امنیه قومانداني وایي، د دغه ولایت په مرکز چاریکار کې د دوو کورنیو ترمنځ شخړه کې د یوې کورنۍ دوه کسان وژل شوي او درې نور ټپیان دي.

د کونړ په دانګام ولسوالۍ کې نن د قومي جرګې په منځګړيتوب د دوو کورنیو ترمنځ له ۲۰ کلنې دښمنۍ وروسته روغه جوړه وشوه.

په لغمان کې له ۷۲ بېوزله کورنیو سره نغدي مرسته، ميدان وردګو کې د مچيو له ۳۷ روزونکو سره د وسایلو او د کابل خاکجبار کې له ۵۰ بېوزلو کورنيو سره د خوراکي توکو مرسته وشوه.

د لغمان په الینګار ولسوالۍ کې پرون د قومي مشرانو په منځګړتوب د دوو کورنیو ترمنځ ۱۷ کلنه دښمني پای ته ورسېده.

د بشري مرستو په لړ کې نن په لوګر کې له ۹۲۰۰، په اروزګان کې له ۳۹۰۷، په تخار کې له ۹۰۰۰ او په میدان وردګو کې له ۸۵۵۰ اړو کورنیو سره د خوراکي توکو او په نورستان کې له ۳۰۰ اړو کورنیو سره د نغدو پیسو مرسته وشوه.

د لوګر په خروار ولسوالي کې د یوسفزي قوم اړوند دوو کورنیو ترمنځ اته کلنه دښمني- چې په کې له دواړو لورو ۹ کسان وژل شوي دي- د قومي مشرانو په منځګړتوب پای ته ورسول شوه.

د پکتیا په زرمت ولسوالۍ کې د دوو کورنیو ترمنځ شخړه شوې چې په پایله کې یې له دواړو لورو دوه کسان وژل شوي او ۷ نور ټپيان شوي دي.

يوه مرستندوی بنسټ په کابل ښار کې د مخکني او اوسني حکومت د قربانیانو لسګونو کورنیو ته د خوراکي توکو مرستې د وېش پر مهال وویل، دغه پروسه پنځو نورو ولایتونو ته هم غځول کېږي.

ځیني ناسم باورونه او خرافات چې پخوا به د ځينو کورنیو د مشرانو له خوا په جدي ډول تعقیبېدل، اوس هم په یو شمېر کورنیو کې شته دي، خو پوهان خلکو ته سپارښتنه کوي چې دا راز عقیدې دې له ځانه لرې کړي.