کابل (پژواک، ١٨ عقرب ٩٧): رييس هیئت شورای عالی صلح افغانستان، در مذاکرات مسکو برای افغانستان مى گويد روسیه وعده کرده است که برای برگزاری مذاکرات مستقیم بین گروه طالبان و دولت افغانستان کمک خواهد کرد.
نشست مسکو برای صلح افغانستان امروز جمعه با اشتراک نمایندگان شورای عالی صلح افغانستان، گروه طالبان و کشورهای هند، ایران، قزاقستان، قرقیزستان، چین، پاکستان، تاجیکستان، ترکمنستان، ازبکستان و ایالات متحده در هوتل پریزدینت مسکو برگزار شد.
