باشنده‌گان ولسوالی لعلپوری ننگرهار از کیفیت پایین خدمات شبکه‌های مخابراتی شکایت دارند

جلال‌آباد (پژواک، ۳ سنبله ۱۴۰۱): باشند‌ه‌گان ولسوالی لعلپوری ولایت ننگرهار از کیفیت پایین خدمات شبکه‌های مخابراتی شکایت داشته می‌گویند، این کار زنده‌گی روزمرۀ آنان را با مشکل مواجه کرده‌است.

«چکنوری»، «رینا و پارچاو« و «پلوڅۍ» از مناطقی در این ولسوالی اند که در آن، خدمات مخابراتی ضعیف می‌باشد.

باشنده‌گان محل می‌گویند، آنان برای برقراری تماس تیلفونی به سر تپه‌ها و بلندی‌ها بالا می‌شوند و سپس تماس برقرار می‌کنند.

قریب الله یک تن از باشنده‌گان چکنور به پژواک گفت، زمانی که در شهر و یا جاهای دیگر، کسی از اقارب شان فوت می‌کند، آنان دیر اطلاع می‌یابند؛ زیرا تیلفون در ساحۀ شان کار نمی‌کند.

login or register a new account.