سه حادثهٔ ترافیکی در سرپل سه کشته و هشت زخمی برجا گذاشت

سرپل (پژواک، ۱۹ جوزا ۱۴۰۴): مسؤولین امنیتی در ولایت سرپل می‌گویند که در پی سه حادثهٔ ترافیکی در این ولایت، سه تن جان باخته و هشت تن دیگر زخمی شده‌اند.

قاری مظفر، آمر حادثات مدیریت ترافیک قوماندانی امنیهٔ سرپل، به آژانس خبری پژواک گفت که این رویدادها امروز در شهر سرپل و ولسوالی سیدآباد رخ داده‌اند.

وی افزود که در نتیجه این حوادث، سه تن جان باخته و هشت تن دیگر زخم برداشته‌اند.

به گفته او، مجروحان این رویدادها جهت تداوی به شفاخانهٔ ولایتی سرپل منتقل شده‌اند.