سرپل (پژواک، ۱۹ غبرګولی ۱۴۰۴): د سرپل امنیه قومانداني وايي، چې په دې ولایت کې د درېیو ترافیکي پېښو له امله درېیو کسانو ژوند له لاسه ورکړی او اته نور ټپیان شوي دي.
د سرپل د امنیې قوماندانۍ د ترافیکو آمر، قاري مظفر پژواک خبري ژانس ته وویل چې دغه پېښې نن د سرپل ښار او سیداباد ولسوالۍ په مربوطاتو کې رامنځته شوې دي.
نوموړي زیاته کړه چې د یادو پېښو په پایله کې درېیو کسانو ژوند له لاسه ورکړی او اته نور ټپیان شوي دي
د هغه په وینا، ټپیان د درملنې لپاره د سرپل ولایتي روغتون ته انتقال شوي دي.
