دولت او سياست

افغانستان لپاره د ملګرو ملتونو د سرمنشي استازې وايي، د دوحې ناستې هېوادونو لپاره یو فرصت برابر کړ چې په مستقیمه توګه له اسلامي امارت سره د اندېښنو په اړه تعامل ولري.

د افغانستان د ارشاد، حج اوقافو وزارت مرستیال د یوه پلاوي په مشرۍ تهران کې د اسلامي وحدت په ۳۸مه نړیواله غونډه کې د ګډون په موخه دغه هېواد ته ولاړ.

د بهرنیو چارو وزارت وایي، په کابل د روسیې سفیر د دغه وزارت سرپرست ته د افغانستان په اړه د مسکو مشورتي فارمټ راتلونکې ناسته کې د ګډون په اړه بلنه ورکړه.

بهرنیو چارو وزارت شیخ عبدالغفار بحر په ازبکستان کې د ا.ا د نوماند سفیر په توګه ټاکلی او وایي، تاشکند ته د هغه له تلو سره به د دواړو هېوادونو ترمنځ اړیکو کې نوی څپرکی پرانیستل شي.

د پاکستان د بهرنیو چارو وزارت پېښور کې یوه ناسته کې د پاکستان ملي سرود د غږېدو پر مهال د افغان سرقونسل د نه درېدو له امله احتجاج کړی، خو د افغان قونسلګرۍ وياند وایي، دغه کار د بې‌احترامۍ په نیت نه دی شوی.

د ترکمنستان ولسمشر بردي محمدوف په استانه کې د «منځنۍ اسیا- آلمان» په سرمشریزه کې له نړۍوالې ټولنې غوښتي چې افغانستان پر یو سوله‌ییز هېواد او ارزښتناک اقتصادي شریک بدل کړي.

د کابینې په ناسته کې د سرحدونو، قومونو او قبایلو چارو وزارت ته سپارښتنه شوې چې په لرې پرتو سیمو کې د پیل شوو چارو جدي څارنه وکړي او ټولو محرومو سیمو کې دې خلکو د ژوند اسانتیاوې برابرې کړي.

د افغانستان بهرنیو چارو وزارت په داسې حال کې له ګاونډیو هېوادونو له افغان کډوالو سره د نېک چلند غوښتنه کړې چې په ایران کې مېشت یو شمېر افغانان د دغه هېواد د پولیسو له ناسم چلنده شکایت لري او ایراني چارواکو ویلي چې بې‌اسناده افغانان وباسي.

د اطلاعاتو او فرهنګ وزارت وایي، تېر کال یې مشرتابه ته د رسنیو پورونو د معاف کېدو او یا په قسط د ورکړې وړاندیز کړی، د مس عینک د تاریخو اثارو د خوندیتوب طرحه او د ژبو د ودې لپاره یې عالي شورا جوړه کړې او د خبریالانو د ملاتړ صندوق طرحه یې نهایي کړې ده.

د بهرنیو چارو وزارت وایي، د عمان پلازمېنه مسقط کې د افغانستان سفارت د فعالیت بیا پیلېدل به د کابل او مسقط ترمنځ د سياسي، اقتصادي، ټولنيزو او ديني اړيکو په پياوړتيا کې رغنده رول ولوبوي.

په کابل کې د ازبکستان سفیر د ریاست‌الوزرا له اداري مرستیال سره  د مخه ښې په لیدنه کې ویلي، د هېواد پانګه‌وال یې په افغانستان کې په بېلابېلو برخو کې پانګونې ته چمتو دي.

د بهرنیو چارو وزارت سرپرست په کابل کې د یو شمېر هېوادونو له سفیرانو او بهرنیو بنسټونو له استازو سره په لیدنه کې ویلي، افغانستان کې د ټاپي پروژې د عملي چارو پیل په سیمه کې له جګړې او سیالۍ څخه د سیمه‌ییز پرمختګ او همکارۍ پر لور ګام دی.