دولت او سياست

د کابینې په ناسته کې د سرحدونو، قومونو او قبایلو چارو وزارت ته سپارښتنه شوې چې په لرې پرتو سیمو کې د پیل شوو چارو جدي څارنه وکړي او ټولو محرومو سیمو کې دې خلکو د ژوند اسانتیاوې برابرې کړي.

د افغانستان بهرنیو چارو وزارت په داسې حال کې له ګاونډیو هېوادونو له افغان کډوالو سره د نېک چلند غوښتنه کړې چې په ایران کې مېشت یو شمېر افغانان د دغه هېواد د پولیسو له ناسم چلنده شکایت لري او ایراني چارواکو ویلي چې بې‌اسناده افغانان وباسي.

د اطلاعاتو او فرهنګ وزارت وایي، تېر کال یې مشرتابه ته د رسنیو پورونو د معاف کېدو او یا په قسط د ورکړې وړاندیز کړی، د مس عینک د تاریخو اثارو د خوندیتوب طرحه او د ژبو د ودې لپاره یې عالي شورا جوړه کړې او د خبریالانو د ملاتړ صندوق طرحه یې نهایي کړې ده.

د بهرنیو چارو وزارت وایي، د عمان پلازمېنه مسقط کې د افغانستان سفارت د فعالیت بیا پیلېدل به د کابل او مسقط ترمنځ د سياسي، اقتصادي، ټولنيزو او ديني اړيکو په پياوړتيا کې رغنده رول ولوبوي.

په کابل کې د ازبکستان سفیر د ریاست‌الوزرا له اداري مرستیال سره  د مخه ښې په لیدنه کې ویلي، د هېواد پانګه‌وال یې په افغانستان کې په بېلابېلو برخو کې پانګونې ته چمتو دي.

د بهرنیو چارو وزارت سرپرست په کابل کې د یو شمېر هېوادونو له سفیرانو او بهرنیو بنسټونو له استازو سره په لیدنه کې ویلي، افغانستان کې د ټاپي پروژې د عملي چارو پیل په سیمه کې له جګړې او سیالۍ څخه د سیمه‌ییز پرمختګ او همکارۍ پر لور ګام دی.

د ملګرو ملتونو امنیت شورا اعلان کړی چې را روانه چهارشنبې د افغانستان په اړه غونډه جوړوي.

د افغانستان د اسلامي امارت د رییس‌الوزراء سیاسي مرستیال مولوي عبدالکبیر د نبي کریم (ص) د زوکړې ورځې په مناسبت جوړه شوې غونډه کې له خلکو سره د مجاهدینو پر ښه چلند ټینګار کړی او له مسوولینو یې غوښتي څو‎ په خپلو کړنو کې نبوي اخلاق او اسلامي احکام په پام کې ولري.

د هسپانیا د بهرنیو چارو وزیر د اسلامي او اروپایي هېوادونو د یو شمېر چارواکو په ګډون د یوې ناستې په پای کې غزه کې د جګړې پای ته رسولو لپاره له نړۍ د روښانه پلان غوښتنه کړې ده.

د پاکستان بهرنیو چارو وزارت په یوه رسمي لیک کې د افغانستان لپاره د دغه هېواد د ځانګړی استازي د ګوښه کېدو اعلان کړی دی.

اسلامي ‌امارت دایکنډي ولایت کې د تېرې ورځې پېښه غندلې او ویلي یې دي چې د دې بې‌‌رحمانه کړنې عاملین پيدا کوي او د عدالت منګولو ته یې سپاري.

د اسلامي امارت مشر شمالي ولایتونو ته د سفر پر مهال په خپلو خبرو کې ويلي چې د تېر حکومت کارکوونکي دې بېرته هېواد ته راستانه شي او دلته دې په عزت سره ژوند وکړي.