خوست ښار (پژواک، ٥ غويى ٩٥): ناپېژاندو وسله والو د خوست ولايت د نادرشاه کوټ ولسوالۍ د محکمې محرر وژلى دى.
د خوست د والي وياند مبارز محمد ځدراڼ د غويي په ٥مه پژواک خبري اژانس ته وويل چې دا پېښه نن سهار د مندوزيو ولسوالۍ د صحرا په سيمه کې رامنځته شوې ده.
هغه زياته کړه چې د نادرشاه کوټ ولسوالۍ د محکمې محرر معلم خان له خپل کور څخه دندې ته پر لاره و چې ناپېژاندو موټرسايکل سپرو پرې ډزې کړې او ځاى پر ځاى يې وژلى دى.
د مندوزيو ولسوال محمد يونس ځدراڼ هم پېښه تاييدوي او وايي چې پوليسو په دې اړه پلټنې پيل کړې دي.
تر اوسه د دغه بريد مسووليت چا پر غاړه نه دى اخيستى.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن