دین او کلتور

د ارشاد، حج او اوقافو وزارت سرپرست په کابل کې د سعودي عربستان له سفیر سره په ليدنه کې له هغه غوښتي چې په راتلونکي کې د افغانستان لپاره د حاجیانو سهمیه ډېره او د عمرې ادا کولو برخه کې لا نورې اسانتیاوې برابرې کړي.

د لوګر ولایت د اطلاعاتو او فرهنګ ریاست وایي چې د اطلاعاتو او فرهنګ وزارت د حکم له مخې، هېڅوک نه شي کولای د اسلامي او افغاني ارزښتونو خلاف کتابونه چاپ او وپلوري.

د بلخ پوهنې ریاست مسوولین وایي چې د دغه ولایت مرکز مزارشریف ښار کې د شمال زون په کچه د قران‌کریم حافظانو ترمنځ د حسن قرائت سیالۍ ترسره شوې.

د بلخ اوسېدونکي او لرغون‌پوهان وایي چې د دغه ولایت لرغوني اثار په کانټینرونو کې ساتل کېږي او له حکومته غوښتنه کوي چې د خوندیتوب په موخه دې ورته معیاري او مجهز موزیم جوړ کړي.

د رسنیو یو شمېر مسوولینو کابل کې په یوه غونډه کې وویل چې واک ته د اسلامي امارت د رسېدو د لومړیو وختونو په پرتله اطلاعاتو ته د لاسرسي برخه کې ښه‌والی راغلی خو اوس هم دې برخه کې ځینې ستونزې شته.

د بهرنیو چارو وزارت سیاسي مرستیال وایي، اوسني عصر کې رسنۍ او وياندويان د ټولنې او هېواد اشد ضرورت دي، دا ډګر بايد ډېر پياوړی اوسي او له هر ډول شرایطو سره د مقابلې جوګه شي.

د اطلاعاتو او فرهنګ وزارت د خپرونو مرستیال د وزارتونو او خپلواکو ادارو ویاندویانو ته د یوه روزنیر سمینار پر مهال رسنۍ د نظام مهمه برخه بللې او ویلي یې دي چې ویاندویان باید له رسنیو او خبریالانو سره نږدې او صمیمي اړيکي ولري.

د علومو اکاډمۍ له لوري کابل کې د حضرت ضیاء المشایخ محمد ابراهیم جان مجددي د شهادت د ۴۶ تلین په یاد غونډه جوړه شوه.

د بلخ د اطلاعاتو او فرهنګ ریاست مسوولین وایي، د روان کال لومړیو نهو میاشتو کې دغه ولایت ته له ۱۰۰ بېلابېلو هېوادنو څه باندې ۱۵۰۰ بهرني سیلانیان راغلي دي.

د میدان‌وردګو د اطلاعاتو او فرهنګ ریاست وایي، په روان ۱۴۰۳ کال کې یې په دغه ولایت کې ۵۷ نوې لرغونې او تاریخي ابدې ثبت کړې دي.

هرات کې د اسلامي او اصیل خط د هنر ژوندي ساتلو په موخه نن دغه ولایت کې د اطلاعاتو او فرهنګ ریاست په همکارۍ او د هرات د خطاطانو ټولنې په کوربه‌توب د «نسیم مهر» په نوم څلور ورځنی ننداتون پرانیستل شو.

د ننګرهار د اطلاعاتو او فرهنګ ریاست مسوولین وايي، د «اتفاق نوین» په نوم یوې نوې خصوصي اېف‌اېم راډيو په دغه ولایت کې خپلې ازمايښتي خپرونې پیل کړې دي.