کډوال

د صنعت او سوداګرۍ وزارت د سرپرست په مشرۍ پلاوي نن په اسلام‌اباد کې د پاکستان د کورنیو چارو وزارت له مرستیال او په کورنیو چارو کې د دغه هېواد د دولت له وزیر سره لیدلي او د سوداګرۍ ترڅنګ یې د افغان کډوالو د ایستلو په اړه خبرې کړې دي.

راپورونه وايي چې ۱۳۸ تنه افغانان په یوه الوتکه کې د پاکستان له پلازمېنې اسلام‌اباده جرمني ته لېږدول شوي دي.

د افغانستان لپاره د ناروې شارژدافیر له پاکستان څخه د افغان کډوالو په جبري ایستلو نیوکه کړې او ویلي یې دي چې هېواد یې د نړیوالو بنسټونو له لارې د افغان کډوالو ملاتړ ته دوام ورکوي.

د کډوالو او راستنېدونکو چارو وزارت وایي چې ۱۴۷ نور افغان کډوال چې په پاکستان کې بندیان وو، ازاد او بېرته هېواد ته راستانه شول.

د ننګرهار ولایت د پوهنې ریاست وایي، د دې لپاره چې د راستنېدونکو کډوالو ماشومان له زده‌کړو پاتې نه شي، یوه ځانګړې کمېټه یې ګومارلې څو ښوونځیو کې د شاملولو لپاره دغه ماشومان ثبت کړي او لارښوونه ورته وکړي.

د سره صلیب او سرې میاشتې نړۍوال فدراسیون له پاکستانه د افغان کډوالو د ایستلو څپې په غبرګون کې د رامنځته‌کېدونکو شرایطو په اړه د اندېښنې په څرګندولو اعلان کړی چې د دغو کډوالو له ډلې ۵۰ زره کسانو ته د لومړنیو خدمتونو وړاندې کولو لپاره د افغاني سرې میاشتې له ټولنې سره مرسته کوي.

د افغانستان پخواني ولسمشر حامد کرزي له پاکستانه د افغان کډوالو د جبري ایستلو او له هغوی سره د ناوړه چلند په اړه خواشيني څرګنده کړې او ټينګار یې کړی چې دغه هېواد دې له افغانانو سره د ښه ګاونډيتوب او نړۍوالو اصولو پر بنسټ چلند وکړي.

د راپورونو له مخې، سعودي عربستان د دغه هېواد په مکه ښار کې د نشه‌يي توکو د قاچاق په تور یو افغان اعدام کړی دی.

د کډوالو او راستنېدونکو چارو وزارت وایي چې ۲۹۶ تنه افغان کډوال د پاکستان له زندانونو خوشې او هېواد ته راستانه شول.

کابینې راستنو شوو کډوالو ته د ځمکو د وېش لړۍ پر چټکټیا ټينګار کړی او دغه راز د احصایې او معلوماتو ملي ادارې ته یې دنده سپارلې چې په ایران کې د مېشتو افغانانو د هویت د تثبيت لپاره دغه هېواد ته یوه ډله ولېږي.

د افغانستان د بهرنیو چارو وزارت سرپرست له پاکستانه د افغان کډوالو پر جبري را ایستلو او هلته له هغوی سره پر ناسم چلند خواشیني ښودلې او د دغه وضعیت د بدلون غوښتنه یې کړې ده.

د کډوالو او راستنېدونکو چارو وزارت وايي چې ۹۱ هغه افغانان چې پاکستان کې بندیان وو، ازاد او هېواد ته راستانه شول.