چاپېريال ساتنه

د چاپېریال ساتنې ملي ادارې سرپرست د یو شمېر موسسو له استازو سره د طبیعي شتمنیو او د اوبو سرچینو د خوندیتوب او اقلیمي بدلونونو پر وړاندې د مبارزې برخو کې د ګډو همکاریو په اړه خبرې کړي دي.

د چاپېریال ساتنې ملي اداره وايي چې د نړۍوال چاپېریالي اسانتیاوو صندوق (GEF) له لوري افغانستان کې د اقلیمي بدلون پر وړاندې د مبارزې لپاره نږدې ۱۰ میلیونه ډالره بودجه تصویب شوې ده.

د نورستان ځایي مسوولین وایي چې د دغه ولایت په ځینو سیمو کې ۱۱ زره هکتاره څرځایونه او ۲۵۰۰ هکټاره ځنګلونه بیارغول شوي دي.

د لوګر د کرنې، اوبولګولو او مالدارۍ ریاست مسوولین وایي چې د دغه ولایت د مرکز پل‌علم او ولسوالیو بزګرانو د قوش‌تېپې کانال د زرغونتیا لپاره د ۱۷۰ زره نیالګيو مرسته کړې ده.

د کابل ښاروالۍ وايي، د ښار د ښکلا او زرغونتیا په موخه د شپږمې ناحیې د زرغون کمربند اړوند د مسلم په غونډۍ کې د ۱۲۸۰۰ مثمر او غیرمثمر نیالګيو کېنولو چارې پيل شوې.

د کرنې، اوبو لګولو او مالدارۍ وزارت مسوولین وایي، په راتلونکي ۱۴۰۴ کال کې په ټول هېواد کې ۱۶ میلیونه مثمر او غیرمثمر نیالګي کېنوي.

بامیان کې امنیتي مسوولین وايي چې د دغه ولایت په کهمرد ولسوالۍ کې د مرغانو د غیرقانوني ښکار په تور لس کسان نیول شوي دي.

بامیان کې د چاپېریال‌ساتنې برخې یو شمېر فعالان په دغه ولایت کې د پلاستیکي کثافاتو پر ډېرېدو اندېښنه ښيي او پر دې د ټینګار ترڅنګ چې د پلاستیکي کڅوړو ځای دې تکه‌یي کڅوړې ونیسي، زیاتوي چې دغه کار کولای شي د چاپېریال خوندیتوب کې مهم رول ولري.

کارپوهان د بایسکل چلولو فرهنګ دودول اړین بولي او وايي چې د تګ راتګ لپاره له بایسکل څخه ډېر کار اخیستل د هوا د ککړتیا کمېدو سربېره د کورنیو په روغتیا او اقتصاد کې هم ډېر مهم رول لري.

د نورستان سیمه‌ییز مسوولین وايي، د دغه ولایت په مرکز پارون او دوو ولسوالیو کې یې د ۲۸ میلیونه افغانیو په لګښت نږدې درې سوه هکتاره ځنګلونه بیا احیا کړي دي.

د چاپېریال‌ساتنې اداره وايي چې د روان کال په تېرو ۱۰ میاشتو کې د هوا ککړتیا د تېر کال په نسبت کمه شوې او زیاتوي، دې ادارې د هوا ککړتیا مخنیوي په موخه ځیني پروګرامونه پیل کړي دي.

د بلخ د مرکز مزارشریف ښاروالۍ مسوولین وایي چې له تېرو پنځو ورځو راهیسې یې د دغه ښار له بېلابېلو ناحیو شاوخوا ۷۰۰ موټره کثافات راټول او ځانګړي ځای ته یې انتقال کړي دي.