نړیوال خبرونه

د راپورونو له مخې، اسرائیلو تېره ورځ په غزه کې پر یوه روغتون هوايي برید کړی چې په پایله کې د حماس غورځنګ د سیاسي دفتر د یوه غړي په ګډون پنځو کسانو ژوند له لاسه ورکړی.

د ایراني رسنیو د راپورونو له مخې، په دغه هېواد کې د چهارشنبه‌سوري مراسمو پر مهال پېښو کې لږ تر لږه ۲۱ کسانو ژوند له لاسه ورکړی او شپږ زره او ۴۱۹ نور ټپیان دي.

راپورونه وایي چې پر غزه د اسرائیلو تازه بریدونو کې له ۴۰۰ ډېر فلسطینیانو ژوند له لاسه ورکړی او څه باندې ۶۶۰ نور ټپیان شوي دي.

د راپورونو له مخې، د روسیې ولسمشر ولادیمیر پوتین د امریکا له ولسمشر ډونالډ ټرمپ سره په ټیلیفوني خبرو کې هوکړه کړې چې د راتلونکو ۳۰ ورځو لپاره به په اوکراین کې د انرژۍ پر اهدافو بریدونه ودروي.

د راپورونو له مخې، اسرائیلو یو ځل بیا پرون او نن پر غزې هوایي بریدونه کړي چې په پایله کې د ښځو او ماشومانو په ګډون شاوخوا ۲۷۰ کسانو ژوند له لاسه ورکړی دی.

د راپورونو له مخې، په یمن کې د امریکا په هوایي بریدونو کې ۵۳ کسانو ژوند له لاسه ورکړی او ۹۸ نور ټپیان دي.

د راپورونو له مخې، شمالي مقدونیا کې د نڅا په یوه کلب کې د اور لګېدنې له امله لږ تر لږه ۵۹ کسانو ژوند له لاسه ورکړی او له ۱۵۵ ډېر ټپیان دي.

نن سهار د بلوچستان نوشکي سیمه کې د پاکستاني ځواکونو پر موټریز کاروان یو برید شوی چې له امله یې پنځه پوځیان وژل شوي او ۳۲ نور ټپیان دي.

امریکايي رسنیو راپور ورکړی چې د دغه هېواد په لوېدیځو او سوېلي سیمو کې د سختو بادونو له امله تر اوسه ۳۴ کسانو ژوند له لاسه ورکړی دی.

نن پېښور کې چاودنې د مولوي منیر شاکر په ګډون څلور تنه ټپيان کړل، خو مولوي شاکر په روغتون کې ساه ورکړه.

د جنوبي وزیرستان د اعظم ورسک سیمې یوه جومات کې نن د جمعې لمانځه پر مهال چاودنه شوې چې په‌کې د جمعیت علمای اسلام پاکستان ګوند د سیمه‌ییز مشر مولانا عبدالله ندیم په ګډون څلور کسان ټپيان شوي دي.

د روسیې ولسمشر وايي چې له اوکراین سره د جګړې درولو له وړاندیزونو سره موافق دی، خو هېواد یې د دې فرضیې پر اساس پر مخ ځي چې اوربند باید دوامداره سولې ته لار هواره کړي او د ناورین اصلي لاملونه له‌منځه یوسي.