کرنه

د پکتيا د کرنې ریاست مسوولين وايي، سږ کال په دغه ولايت کې شاوخوا ۳۵۰ ټنه شات توليد شوي، خو فارم‌لرونکي بیا د کورني تولیداتو د بازار ښه کېدو لپاره پر وارداتي شاتو د بندیز غوښتنه کوي.

لوګر کې د افغاني سرې میاشتې ټولنې مسوولین وایي چې د جاپان هېواد په مالي ملاتړ د دغه ولایت په څرخ ولسوالۍ کې په شپږ سوه جریبه کرنیزه ځمکه میوه‌لرونکي باغونه جوړېږي.

بلخ ولایت کې یو شمېر کروندګر د اینجې د بوټو او شیرې د بیو پر ټیټېدو اندېښنه څرګندوي او له حکومته غواړي څو دغه محصول ته یې د بازار موندلو برخه کې مرسته ورسره وکړي.

اریانا رحماني هغه مېرمن چې د زعفرانو د پروسس برخه کې یې روزنه لیدلې، وايي چې هرات کې د زعفرانو د پروسس مرکز جوړولو له لارې توانېدلې چې د ځان‌بسیاینې سربېره څه باندې ۶۰۰ نورو ښځو ته په مستقیم او غیرمستقیم ډول د کار زمینه برابره کړي.

کروندګري چې ډېری د نارینه‌وو کار دی، خو ۲۴ کلنه ذکیه نوري د شبرغان په یوه کلي کې له سهاره تر مازیګره له خپل سپین‌ږیري پلار سره پر ځمکو کار کوي څو د خپلې کورنۍ نفقه برابره کړي.

د ننګرهار د کرنې، اوبولګولو او مالدارۍ ریاست وایي چې دغه ریاست روان کال څه باندې ۸۷ میلیونه افغانۍ عواید را ټول کړي او د اسلامي امارت خزانې ته یې سپارلي دي.

په لوګر ولایت کې د نیالګیو اېښودلو پسرلنې کمپاین پيل شو چې په ترڅ کې به یې ۲۵۰ زره میوه‌لرونکي او بې‌مېوې نیالګي کېښودل شي.

د چاپیریال ساتنې ملي اداره وایي، د نيالګيو کېنولو ملي طرحه یې جوړه کړې او د ا.ا د مشرتابه له تصویب وروسته به تر ۱۴۱۰ کال پورې ۲۰۰ میلیونه نیالګي کېښودل شي چې د هېواد لس سلنه ځمکه به ورسره شنه شي.

د ننګرهار د کرنې او مالدارۍ رياست وايي، د ملګرو ملتونو د کرنې او خوړو ادارې په مالي لګښت د دغه ولايت په خوږياڼو او کوز کونړ ولسواليو کې د ناک او الوچو د نوو باغونو جوړولو چارې پيل شوې.

د لوګر د کرنې، اوبولګولو او مالدارۍ ریاست مسوولین وایي چې د دغه ولایت د مرکز پل‌علم او ولسوالیو بزګرانو د قوش‌تېپې کانال د زرغونتیا لپاره د ۱۷۰ زره نیالګيو مرسته کړې ده.

د کابل ښاروالۍ وايي، د ښار د ښکلا او زرغونتیا په موخه د شپږمې ناحیې د زرغون کمربند اړوند د مسلم په غونډۍ کې د ۱۲۸۰۰ مثمر او غیرمثمر نیالګيو کېنولو چارې پيل شوې.

د ننګرهار ولايت د کانال شرکت مسوولین وایي، د دغې ادارې اړوند د خرما بڼ حاصلات به سږ کال د تېر کال په پرتله ډېر وي او ټاکل شوې چې تر ۲۳ ټنه خرما به ترې راټوله شي.