اتلانتا (پژواک، ۴ زمری ۱۴۰۱): د پاکستان ولسمشر عارف علوي په افغانستان کې د ښوونځیو نجونو او هلکانو ته د انټرنېټ او یا هم ټلوېزیون له لارې د زدهکړو زمینې برابرولو وړاندیز کړی دی.
د نوموړي په ټویټرپاڼه کې لیکل شوي چې هغه دا څرګندونې د پاکستاني د دیني عالمانو پلاوي له مشر مفتي تقي عثماني سره کابل ته له روانېدو مخکې په ټیلېفوني کې کړې دي.
یاد پلاوی له پاکستاني طالبانو سره د خبرو لپاره پرون کابل ته رسېدلی دی.
د پاکستان ولسمشر عارف علوي ویلي چې هېواد یې غواړي افغان نجونو او هلکانو ته د انټرنېټ یا ټلوېزیون له لارې د زدهکړو زمینه برابره کړي.
هغه زیاته کړې چې د پاکستان د علامه اقبال او پاکستان مجازي پوهنتون له لارې به افغان زدهکوونکو ته د زدهکړو زمینه برابره شي.
د پاکستان ولسمشر دغه راز ویلي چې د افغانستان د ځانګړو ټولنیزو او اقتصادي نورمونو په نظر کې نیولو سره، د مناسبو او خاصو ترتیباتو له لارې کېدای شي نجونو او ښځو ته د زدهکړو زمینه برابره شي.
په ټویټر کې لیکل شوي د عارف علوي دغه وړاندیز به د مفتي تقي عثماني له خوا په کابل کې د اسلامي امارت له مشرانو سره په لیدنو کې شریک شي.
د پاکستان ولسمشر دا څرګندونې په داسې حال کې کوي چې په افغانستان کې د نجونو ښوونځیو د ټرل کېدو ۳۱۲ ورځې تېرېږي او میلیونونه نجونې لا هم له ثانوي زدهکړو بې برخې شوې دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن