ترینکوټ (پژواک، ۱۳ کب ۱۴۰۱): د اروزګان ولایت د دهراود ولسوالۍ په پنځو بېلابېلو سیمو کې نن پر شل جریب ځمکه کرل شوي کوکنار اړول شوي دي.
د یاد ولایت مطبوعاتي مسوول قاري سعید پژواک خبري اژانس ته وویل، امنیتي ځواکونو نن د دهراود ولسوالۍ په سیګزي، ککرکه، پوټي، تنګي او لونډیانې سیمو کې پر شل جریب ځمکه تازه کرل شوي کوکنار اړولي دي.
نوموړي زیاته کړه، دغه کښتونه د امیرالمؤمنین د فرمان پر اساس اړول شوي او هېچاته به د هیڅ ډول نشهيي توکو د کرکیلې اجازه ور نکړل شي.
د یادونې ده، د افغانستان په ګډون د نړۍ په ډېری هېوادونو کې د نشهيي توکو کرکيله، کارول او پېر پلور منع دی.
Views: 49