کابل (پژواک ۱ اسد ۱۴۰۰) : وزارت امور خارجهٔ جمهوری اسلامی افغانستان از صحبتهای نخست وزیر و وزیر امور خارجهٔ آسترالیا مبنی بر بازنگری تصمیم آنکشور جهت احیای حضور دایمی دیپلماتیک آسترالیا در کابل، استقبال مینماید.
منبع افزوده است، دولت جمهوری اسلامی افغانستان، ضمن قدردانی از کمکهای مداوم دولت و مردم دوست آسترالیا، از نزدیک با آنکشور کار نموده است تا مقدمات حضور دیپلوماتیک دایمی مجدد آسترالیا در کابل فراهم گردد.
وزارت خارجه گفته است، حمایت دولت آسترالیا از دستاوردهای بیستساله در کشور، بهخصوص حقوق بشر، حقوق زنان و پروسهٔ صلح در افغانستان، نشانهٔ همبستگی دو ملت و همکاریهای استراتیژیک میان دو کشور است.
قرار است وزرای خارجه دو کشور در روز های آینده در زمینهٔ چگونگی حضور مجدد دیپلوماتیک آسترالیا در افغانستان صحبت نمایند.
