لښکرګاه (پژواک، ٥ کب ۹۴): په تېرو ١٤کلونو په هلمند ولايت کې د کرنيزو فارمونو تر څنګ سلګونه زره جريبه دولتي ځمکه غصب شوې ده.
د هلمند والي ميرزاخان رحيمي د کب په ٥مه د يوې خبري غونډې پر مهال وويل چې په تېرو ١٤ کلونو کې په دغه ولايت کې د ٥٤٤٠ کسانو له لوري ٣٦٥ زره جريبه ځمکه غصب شوې ده.
هغه وايي چې دغه ځمکې د زورواکانو، کروندګرو او دولتي چارواکو له خوا غصب شوې دي.
د والي د معلوماتو له مخې، په غصب شوو ځمکو کې کرنيز فارمونه، دښتې او ځنګلونه شامل دي.
ده وويل چې په لښکرګاه ښار کې د مارکېټ، دوکان او ښارګوټي په نومونو هم زورواکانو ١٥٠٠ جريبه ځمکه غصب کړې ده.
هغه زياته کړه چې د غصب شوو ځمکو د بېرته ترلاسه کولو په موخه يې د يو منظم پلان له مخې کار پيل کړى دى.
ده وويل چې د روان کال په اوږدو کې يې نږدې شپږ زره جريبه ځمکه د غاصبينو له منګلو خلاصه کړې ده.
ده زياته کړه: ((له ټولو غاصبينو څخه په پوښتنه کوو او پلان مو دا دى چې يو شمېر غصب شوي ځمکې کروندګرو ته په اجاره ورکړو چې دا کار هم له غصب څخه د خلاصون يوه لاره ده.))
رحيمي د نورو جزئياتو له ورکولو پرته وويل چې په دغه ولايت کې د ځمکو غصب د خلکو تر منځ ستونزې هم پيدا کړې دي.
دغه راز د هلمند د عدليې رياست مشر محمد اتل وويل چې په دغه ولايت کې ډېرې ځمکې د دولتي چارواکو له خوا غصب شوې دي.
د هغه د معلوماتو له مخې، په تېرو څلورو کلونو کې نږدې ١٧ زره جريبه ځمکه له غاصبينو څخه بېرته را ګرځول شوې ده خو اوس هم ډېره ځمکه له غاصبينو سره ده.
د هلمند د ولايتي شورا د امنيتي کمېټې رييس بشیراحمد شاکر پژواک ته وويل چې په دغه ولايت کې د دولتي ځمکو تر څنګ شخصي ځمکې هم غصب شوې دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن