درېیم تعقیب- کابل (پژواک، ۷ تله ۹۶): د کابل ښار د لسمې امنیتي حوزې مربوطاتو کې ځانمرګي برید پنځه کسان وژلي او شل نور ټپیان شوي دي.
د کورنیو چارو وزارت ویاند نجیب دانش پژواک خبري اژانس ته وویل، په دغه برید کې چې نن شاوخوا دوه بجې د کابل ښار د قلعه فتح الله پر اووم سړک وشو، پنځه کسان وژل شوي او شل نور ټپیان دي.
دانش د دې خبرې تر څنګ چې وژل شوي او ټپیان ټول ملکي وګړي دي، زیاته کړه چې په ساحه کې یو شکمن کس هم نیول شوی دی.
د پژواک خبریال له ساحې د عیني شاهدانو له خولې وايي چې بریدګر درې کسان وو، یوه یې د حسینیه جومات په شل مترۍ کې ځان ته چاودنه ورکړه، یو کس د پولیسو له لوري نیول شوی او درېیم په تېښته بریالی شوی دی.
د دغه برید مسوولیت تر اوسه چا پر غاړه نه دی اخیستی.
د نورو جزئیاتو لپاره پژواک تعقیب کړئ.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن