کندهار (پژواک، ۱۶ لېندۍ ۹۷): امنیتي مسوولین وايي چې د کندهار ښار په ۱۴مه حوزه کې دوو وسله والو موټرسایکل سپرو پر پولیسو برید کړی چې په پایله کې یې دوه پولیس ټپیان شوي او یو برید کوونکی وژل شوی.
دغه پېښه د کندهار ښار د ۱۴مې حوزې اړوند د سیمانو پل په سیمه کې نن (د ليندۍ ۱۶مه) غرمه یوه بجه رامنځته شوې ده.
د کندهار د امنیې قوماندانۍ ویاند ضیا دراني پژواک خبري اژانس ته وویل چې په دغه برید کې ۲ پولیس ټپیان شوي دي.
درانی زیاتوي، له برید وروسته وسله والو د تېښتې هڅه کوله چې د ۱۰مې حوزې په ساحه کې د پولیسو له خوا په نښه شول چې په پایله کې یې یو بریدګر ووژل شو او بل په ټپي حالت کې تښتېدلی چې لټون یې روان دی.
خو یوه امنیتي سرچینه بیا وایي چې د وسله والو په دغه برید کې یو پولیس وژل شوی او بل ټپي دی.
تر اوسه د دغه برید مسوولیت چا پر غاړه نه دی اخیستی.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن