کابل (پژواک، ٣ زمری ٩٨): لوړپوړى نظامي امريکايي چارواکي جنرال ډنفورډ ويلي چې د سولې له روانو هڅو سره سره په افغانستان کې د دوى نظامي ماموريت کې کوم بدلون نه دى راغلى.
د امريکا د دفاع وزارت له خوا د چنګاښ په ٣مه په يوه خپره شوې خبرپاڼه کې راغلي چې د امريکا د وسله والو ځواکونو د مرکزي قوماندان جنرال ډنفورډ پرون ناوخته کابل ته را رسېدلى دى.
سرچينې زياته کړې چې هغه به په افغانستان کې د ناټو د قوماندان تر څنګ له افغان ملکي او پوځي چارواکو سره پر امنيتي موضوعاتو سلا مشورې او خبرې وکړي.
نوموړي کابل ته د سفر پر مهال په لاره کې له خبريالانو سره په خبرو کې ويلي چې له طالبانو سره د امريکا د خبرو اترو له امله په افغانستان کې د دوى په نظامي ماموريت کې بدلون نه دى راغلى.
دا په داسې حال کې ده چې د افغان سولې لپاره د امريکا ځانګړى استازى زلمى خليلزاد د اتم پړاو خبرو لپاره روان شوى او لومړى کابل ته رسېدلى دى.
جنرال ډنفورډ چې يو وخت په افغانستان کې د ناټو قوماندان هم و، ويلي، غواړي په افغانستان کې د ناټو او امريکايي ځواکونو لوى قوماندان جنرال مېلر ته ډاډ ورکړي چې ټولې اړتياوې يې ورته برابروي.
د هغه په وينا، غواړي چې په تلې مياشت کې د افغانستان له ولسمشرۍ ټاکنو مخکې د پوځي عملياتو نبض معلوم کړي.
د امريکا د وسله والو ځواکونو د مرکزي قوماندانۍ قوماندان وايي، د سولې له روانو هڅو سره سره په افغانستان کې د دوى نظامي ماموريت کې بدلون نه دى راغلى. جنرال مېلر او ټيم يې له طالبانو سره په جګړو بوخت دي او له افغان ځواکونو سره مرستې کوي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن