پلخمري (پژواک، ۱۲ لړم ۹۸): د بغلان د نشه يي توکو پر وړاندې د مبارزې پوليسو په تېر يوه کال کې په دغه ولايت کې نيول شوي ١٥ ټنه نشه يي توکي وسوځول.
په دې اړه د بغلان ولایت امنیه قوماندان مل پاسوال ویس صمیمي د لړم په ١٢مه رسنيو ته وويل چې له نشه یي توکو سره د مبارزې مدیریت پولیسو په تېر یوه کال کې بېلابېل ډوله ١٥ ټنه نشه يي توکي نيولي دي.
هغه وايي چې په دغه نشه يي توکو کې مورفين، چرس او الکول شامل دي چې په تور يې ٦٣ کسان هم نيول شوي دي.
دغه راز په يادو مراسمو کې د بغلان د ځانګړې قطعې قوماندان جنرال عبدالرووف اروزګاني وويل چې دغه نيول شوي ١٥ ټنه نشه يي توکي نن د ټاکل شوي پلاوي پر وړاندې وسوځول شول.
هغه وايي: ((يواځې د قاچاقبرو او نشه يي توکو په نيولو سره دغه مشکل نه حل کيږي، بايد ددې کار ترڅنګ د نشه يي توکو د کر مخه هم ونيول شي.))
همدرانګه د بغلان ولایتي شورا غړي محمد حنیف کهګدي وویل، له نشه یي توکو سره د مبارزې پولیس له مسلکیتوب وروسته ښې لاسته راوړنې لري.
ده زياته کړه: ((زه له دغو پوليسو څخه غواړم چې د نشه يي توکو پر وړاندې کلکه مبارزه وکړي، ترڅو هېڅوک ونه شي کولى د شمال له لارې قاچاق وکړي.))
د يادونې ده چې نږدې یو کال وړاندې هم د بغلان پولیسو ۲۶۶۸ کیلوګرامه نشه یي توکي سوځولي وو.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن