کابل (پژواک ٦ کب ٩٨): د ابوظبۍ ولیعهد شیخ محمد بن زاید آل نهیان، جمهور رئیس غني ته په ټاکنو کې د بیا ځلې بریا مبارکي وویله.
له ارګ څخه پژواک خبري اژانس ته په رالېږل شوې خبرپاڼه کې راغلي چې د ابوظبۍ ولیعهد او د متحده عربي اماراتو د وسله وال پوځ اعلی سرقومندان مرستیال والاحضرت شیخ محمد بن زاید آل نهیان نن د ټېلیفوني تماس له لارې د افغانستان جمهور رئیس محمد اشرف غني ته د جمهوري ریاست په ټاکنو کې د بیا ځلې بریا مبارکي وویله.
سرچينه زياتوي، په دغه ټېلیفوني تماس کې دواړو لوریو د افغانستان او متحده عربي اماراتو ترمنځ اړیکې د ورورۍ او دوستانه وبللې او د دواړو هیوادونو ترمنځ یې د ستراتيژیکو او اقتصادي اړیکو پر پراختیا ټینګار وکړ.
سرچينه کاږي، د ابوظبۍ ولیعهد هیله وښوده چې د افغانستان د جمهور رئيس محمد اشرف غني د ریاست په دویمه دوره کې د افغانستان او متحده عربي اماراتو اړیکې لازیاتې پیاوړې شي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن