کابل (پژواک ٥ ورى ٩٩): د عامې روغتيا وزارت وايي چې په تېرو ٢٤ ساعتونو کې په هرات ولايت کې د کرونا ويروس ٣٢ نوې مثبتې پېښې شوې دي.
د دې وزارت وياند وحيد مايار د دغه مطلب د تاييدولو ترڅنګ پژواک خبري اژانس ته وويل چې د دغو ٣٢ مثبتو پېښو سره په ټول هېواد کې د کرونا ويرويس د مثبتو پېښو شمېر ٧٤ ته ورسېده.
له بلې خوا د هرات د عامې روغتيا رئيس عبدالحکيم تمنا وايي چې له ٣٢ نويو پېښو سره په دې ولايت کې ټولې ٥٣ مثبتې پېښې شوې دي.
د کرونا ناروغي چې شاوخوا درې مياشتې مخکې په چين کې خپره شوه، تر اوسه د نړۍ ١٨٠ هېوادونو ته رسېدلې او شاوخوا ٣٨٠ زره کسان پرې اخته، ١٦ نيم زره کسان ترې مړه شوي او تر سلو زرو زيات ناروغان بېرته روغ شوي دي.
د افغانستان د عامې روغتیا وزير نن ويل، که د کرونا ويروس د مخنيوي په برخه کې خلک د عامې روغتیا وزارت لارښوونې عملي نه کړي، نو ١٦ ميليونه هېوادوال ښايي پر دې ناروغۍ اخته شي او څه باندې سل زره به خپل ژوند له لاسه ورکړي.
ده زياته کړه، که څه هم د کرونا ويروس افغانستان کې تر اوسه کنټرول شوى خو د روغتيا نړیوال سازمان له وړاندوینو سره سم به د هېواد اتیا سلنه وګړي پر دې ناروغۍ اخته شي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن