کابل (پژواک،۲۳ ورى ٩٩): د راپورونو له مخې، په ټوله نړۍ کې له کرونا ویروس د مړو شویو کسانو شمیره له سلو زرو څخه اوښتې ده او تر یو میلیون او ۷۰۰ زره زیات خلک پرې اخته شوي دي.
د کرونا ويروس چې شاوخوا څلور میاشتې مخکې لومړى د چين له اوهان ښاره خپور شو، اوس د نړۍ په شاوخوا ۲۰۰ هېوادونو کې خپور شوى دى.
په لومړيو مياشتو کې پر دې ناروغۍ تر ټولو زيات چينايان اخته او مړه شول، خو اوس دا ناروغي په چين کې کنټرول شوې، خو په اروپا او امريکا کې په ډېرې تېزۍ سره د خپرېدو په حال کې ده.
د نړيوالو سرچينو په حواله چې د کرونا ناروغۍ په اړه معلومات او ارقام خپروي، تر نن سهاره پورې په ټوله نړۍ کې پر دې ناروغۍ یو میلیون او۷۰۰ زره کسان اخته شوي دي.
دغه سرچینې زیاته کړې چې له دې ناروغۍ په ټوله نړۍ کې تر سلو زرو زیات کسان مړه شوي چې ډیری یې اروپایي هیوادونو کې دي.
د امریکا د جان هاپکن پوهنتون د معلوماتو له مخې، په ټولیزه توګه په ټوله نړۍ کې۳۷۶ زره کسان بیرته له دې ناروغۍ ښه او خپل عادي ژوند ته راګرځېدلي دي.
د راپورونو له مخې، په امريکا کې تر ټولو زيات کسان پر دې ناروغه اخته شوي، هلته تر ننه پورې تر ۵۰۰ زرو ډیر کسان پرې دې ناروغۍ اخته شوی اوڅه دپاسه ۱۸ زره کسان مړه شوي دي.
دغه راز په هسپانیا کې ۱۶۰ زره پرې اخته او۱۶ زره مړه شوي دي، په ایټالیا کې ۱۴۸ زره کسان پرې اخته او څه کم ۱۹ زره ترې مړه شوي دي، په جرمني کې ۱۲۷ زره زره پرې اخته او ۲۷۰۰ تنه مړه شوي دي، په فرانسه کې ۱۲۴زره کسان پرې خته او ۱۳ زره مړه شوي دي.
د راپورونو له مخې، په چین کې نږدې ۸۲ زره پرې اخته او ۳۴۰۰ مړه شوي ، په ایران کې ۶۸ زره پرې اخته او ۴۲۰۰ مړه شوي دي، په پاکستان کې ۴۷۰۰ زره کسان پرې اخته او ۷۲ تنه مړه شوي، په هندوستان کې ۶۰۰۰ زره پرې اخته او ۱۸۰ تنه مړه شوی دي.
په افغانستان کې هم دا ویروس په تیزۍ سره د خپریدو په حال کې ده، تر اوسه ۵۲۱ کسان پرې اخته او ۱۵ تنه مړه شوي دی،. چې ډیری یې له ایرانه راغلي کډوال او د هرات ولایت دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن