کابل- درېيم تعقيب (پژواک، ٤لړم ۹۹): د کورنيو چارو وزارت وايي چې په کابل کې د تېرې ورځې د شوي ځانمرګي بريد مسووليت داعش ډلې منلى دى، په دغه بريد کې ٢٤ کسان وژل شوي او ٥٧نور ټپيان دي.
د کورنيو چارو وزارت وياند طارق ارین په خپل ټويټر کې ليکلي چې ياد بريد تېره ورځ مازيګر مهال د ١٣امنيتي حوزې اړوند د پل خشک په سيمه کې شوى دى.
سرچينه وايي چې بريد په هغه کوڅه کې شوى چې د "کوثر دانش" په نوم يوه کورس په کې موقعيت لري.
نوموړي زياته کړې چې يوه ځانمرګي بريد کوونکي غوښتل چې ياد کورس ته ننوځي، خو د کورس ساتوونکو هغه پېژندلى او ځانمرګي موخې ته له رسېدو مخکې په کوڅې کې ځان ته چاودنه ورکړې ده.
د طالبانو وياند ذبيح الله مجاهد په خپله ټويټرپاڼه کې ليکلي چې دغه بريد په دوى پورې تړاو نه لري.
د داعش ډلې له شواهدو پرته ددغه بريد مسووليت منلى دى.
پخواني ولسمشر حامد کرزي د يوې خبرپاڼې په خپرولو سره ياد بريد او په غزني کې چاودنه په کلکه غندلي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن